يوميات مدام س.ز في دائرة نفوس بيروت:

"شو عندك مدام"

 المدام: " بدّي اعمل بصمات عالسكانر للهوية"

"مدام، بدك تتضهري من هيدا المبنى و تنزلي نزول شي ٥٠ متر على إيدك اليمين"

المدام: " أوكي شكرا"

المبنى التاني:

"شو عندك مدام"

المدام: " بدّي اعمل بصمات عالسكانر للهوية"

"مدام، بدك تضهري من هيدا المبنى و تطلعي طلوع لتوصلي عند الدركي"

المدام: "عفوا، بس هني بعتوني لعندك"

بدّي اعتذر منك بس السكانر عندهم مش عندي"

المدام: "أوكي شكرا"

المبنى الاول:

"شو عندك مدام"

المدام: " بدّي اعمل بصمات عالسكانر للهوية"

"مدام، بدك تضهري من هيدا المبنى و...

"لاء اذا بتريد هلق بعدني جاي من المبنى التاني و قال السكانر عندكم"... بصوت عالي و شوية انفعال.

"مدام لشو معصبي، نحنا رح نفوتك أصلا، على كل حال تفضلي سجلي اسمك و بلا تعصيب"

المدام: " عفوا ما تؤاخذني ، انت يلي عم تمشي بالشوب طالع نازل متل الأهبل مش انا... وين مكتب السكانر"

"طلعي على الدرج و روحي يمين" .. طبعا ما في signs لتنقبر المدام تعرف وين تروح.

الطابق الاول:

المدام: " مرحبا، لو سمحتي وين مكتب لبصمة السكانر"

" انزلي لتحت مدام و اسألي الدركي"

 المدام: " هلق كنت تحت و سألت الدركي و هو بعتني لهون"

" طيب، إضهري من هون و روحي يمين و انزلي على الدرج و اسألي هونيك" 

المدام انقبرت ادركبت على الدرج و شافت دركي و سألته وين مكتب بنت الستين كلب ، السكانر...

" يا مدام انت من وين جيتي؟"

المدام: " شو قصدك مسيو؟ انا جيت من تحت من عند الأمن "

" طيب، ما مكتب السكانر مباشرة بوجه الأمن.. الاوضة الزجاجية.. ما قالولك؟؟... اسألي عن السيد ح.ب"

المدام من بعد ما وصلت على اخر مكتب بمدينة الملاهي: "حضرتك السيد ح.ب؟"

" نعم مدام، اتفضلي"

المدام: "لو سمحت بدّي اعمل بصمات للهوية على السكانر."

" لو سمحتي، حطي أصابعك على الساكنر... كتير ايديك عرقانين.. اتفضلي كلينكس نشفيهم"

المدام: " عفوا، بس بعدني مخلصة الماراثون و ال Iron Man Challenge و جاي لعندك"

بعد نصف ساعة من عملية كبس الاصابع بالمحدلة على السكانر

" بدّي اعتذر منك مدام، بس بصماتك مش واضحين ابدا حتى على الساكنر.. بدك تتضهري من هيدا المبنى و تنزلي نزول شي ٥٠ متر على إيدك اليمين و تعملي تقرير ان بصماتك غير قابلين للطبع على السكانر .. و تجيبي طلب خاص من مختار كوكب زحل و ترجعي تجي لعندي.. 

المدام هلق بغيبوبة بمستشفى الجامعة اذا حدا بحب يزورها... ما ضروري تسألوا وين بس الحقوا sign "مدام السكانر".. زوجها حب يحط signs حتى ما يعذب الزوار الكرام...

"بلدي حبيبي يا وطني الغني"... يا ترى زكي ناصيف بصم سكانر ولا عادي للهوية؟؟

حب المصايب

يعني انا هلق لو بدبح دجاجة و بصوّر عملية الدبح "live" و بنزلها على فيسبوك ما بضل إنسان عربي الا  ما بحط "like" و بيعمل "share" و " must watch" مش رفقا بالدجاجة بس لان الشعب العربي بموت بمنظر الدم و القتل و الاجرام و النحيب و البكي و اللطم.... يا الله ايمتا هالشعب رح يفهم ان الموت الو حرمة و ان الجرح ما بيوجع الا صاحبه ...الا اذا رح تهز حالك و تروح تساعده لهالمجروح يلي عم ينزف دم و انت يا عم تعمل "share" يا عم تقول " حرام، الله يعينه"... لك هالولد عنده أهل ، عنده ام عم تبكي عليه دم كل مرة انت بتعمل "share"....ولا مفكر أمه عايشة بكوكب اخر و ما بتوصلها social media..... رح تقولولي لازم العالم كله يعرف شو عم بصير.... مزبوط، صح، ما العالم كله بيعرف شو عم بصير بفلسطين من خمسين سنة، شو عملوا بالله؟؟؟عنجد هيدي أول مرة منشوف أمراءه فلسطينية عم تنضرب و تنهان من قبل الجيش الاسرائيلي... شو عملنا غير "share"؟؟؟  ما العالم كله بيعرف ان كل يوم بموت ٢٠ شخص بالعراق من ١٠ سنين لليوم بس ما بقى حدا يهمه لان ملهيين بليبيا و اليمن و سوريا هلق.... يا لطيف شو كيّف والده  "لآلان الكردي.." بصورة ابنه مع الامواج على شط البحر....على قولة صديقتي " صارت مسابقة لايكات بدون احساس" .....و يا ريت فيك تختار ما تشوف هالمشاهد، دغري بتنط قدامك عالscreen و بتلبش تلعب.... ما بعرف شو فكرته لهالعبقري Zuckerberg بهال update.... لك بالافلام بحطوا تنبيه ان في مشاهد عنيفة لاصحاب القلوب الضعيفة... و هيدا تمثيل مش واقع.... ليش الانسان صار عندو حب و اندفاع لتصوير المصيبة و الوجع ما بعرف؟؟؟ يا ريت عندو نفس الاندفاع للمساعدة و عالسكت....

كل شي فرنجي برنحي

الي كم يوم عم اسمع على كل نشرة اخبار  " لبنان بلد عربي" "لبنان بيفتخر بعروبته".... بس بتروح لتتغدى ب"Paul's" بتلاقي لايحة الطعام بالفرنسي فقط، بتروح على اوتيل  "بالزعرور" بتفكر حالك بباريس و كمان لايحة الطعام بالفرنسي فقط، بتفتح التيليفزيون بتلاقي إعلانات بالفرنسي، بتمشي بالشارع ما بتسمع غير هالامهات عم يحكوا مع ولادهن يا بالفرنسي يا بالإنكليزي ، بتروح تشتري بنطلون، ال vendeuse ( عيب نقول البائعة)  بتسفقك السعر بالفرنسي بتفكر حالك سارق البنطلون و عم بتم الاتصال بالمخابرات الفرنسية لالقاء القبض عليك... بتقوم بتجاوبها بالإنكليزي لتفرجيها انك متعلم و بتعرف لغة.... يعني ما عم بفهم عقدة اللبناني مع اللغة، ليش ما بقى حدا عم يحكي عربي؟؟ شو في؟؟ هالقد العربي بخجّل؟؟؟انو اذا حكينا مع ولادنا فرنسي او إنكليزي بيعلى مستوانا و منصير فهمانين؟؟؟  اكيد اللغة  الإنكليزية هلق كتير مهمة لانو للأسف نجحت بأنها تكون لغة عالمية تجارية و اولادنا بيحتاجو هاللغة ليوصلوا لشركات عالمية ، بس يا mom و يا dad،  مش ضروري تقلبوا البيت Microsoft و تعينوا ابنكم CEO لما يصير عمره سنة و اذا سمع شي كلمة عربي من سته او جده ببلط بأرضه و بيضحك من دون سبب كأنه محشش... صدقوني رح يتعلم يحكي إنكليزي كتير منيح بالمدرسة و رح يتوظف بشركة اجنبية و يصير مدير كبير، ما تخافوا .... اما بالنسبة للغة الفرنسية، بصراحة و بدون زعل ، ما بعرف شو الها عازة... يعني مش بكفي قاصف عمره لابنك بالمنهج الفرنسي المعقد  بالمدرسة، كمان بالبيت لازم اذا جاع يطلب الاكل بالفرنساوي؟؟ شو قاعد بال Entrecote هو؟؟؟ بس كرمال السعودية و اخواتها فجأةً  بتنقح العروبة و عنتر بن شداد بصير ابن العم اللزم..... منيح ما بيجينا مساعدات من الصومال.... كارثة # identity crisis

بلدي ليس وطني

كل شخص بيعرفني بيعرف اني بعشق الموسيقى و الفن و الثقافة. دايما الموسيقى و الغناء و الكلام المبدع بيرسمولي ابتسامة عَلى وجهي حتى لو كانت هالموسيقى او القصيدة حزينة.... و لكن اليوم لما سمعت قصيدة "موطني" للشاعر العبقري ، ابراهيم طوقان، بصوت الفنان الحساس " مراد السويطي"، انتابني شعور غريب جداً. طبعا هيدي مش اول مرة بسمع هالاغنية او القصيدة او النشيد.... او الملحمة التاريخية، بس هيدي اول مرة لا بشعر بالسعادة ولا بالحزن... هيدي اول مرة بشعر بالخوف... بالخوف من اني ما اعرف لمين او لشو بدّي دندن هالاغنية بيني و بين حالي....ليوم سألت حالي شو الفرق بين البلد و الوطن؟؟ ليش اسمه النشيد الوطني مش نشيد البلد؟ ليش كلنا للوطن مش كلنا للبلد؟؟ بس لما بتنسأل عن جنسيتك، السؤال بكون: "انت من اي بلد؟".... لان البلد هو المكان الجغرافي ، هو الحكومة و القوانين و الحجر و المناظر الطبيعية و المناخ... بس الوطن هو لما كل هالأشياء بتحكيك و بتحميك.... الوطن هو الارض و المكان يلي بتحلم ترجع عليهم من بعد سنين الغربة يلي اضطريت تعيش فيها لتسترزق... لاكن المضحك المبكي ان الغربة احتضنتك و احترمتك لدرجة انك صرت تعتبرها وطن... و وطنك بهدلك و قهرك لدرجة انك صرت تعتبره غربة .... ابشع شعور انك ترجع على بلدك "مجبرا أخاك لا بطل"... تخيل؟؟ تخيل لما صديقك بقلك:" والله مضطر ارجع على بلدي، شو بدّي اعمل؟؟"....اليوم انقهرت لأَنِّي حسّيت ان بلدي مش وطني...اني ما عندي وطن ... ما عندي ضهر و لا سند غير عائلتي ... ما عندي دولة تحميني او تعطيني أدنى حقوقي... عندي بلد بيسرقني،  بيمسح بكرامتي الارض و جابرني روح فتش على جنسية تانية حتى ما اتبهدل بآخرتي....  قال "ما بتعرف خيره ما تجرب غيره"... للأسف انا عرفت شره لما جربت غيره...

بعرف "البوست" اليوم لا بضحك و لا في السخرية المعتادة.. بس ما تؤاخذوني، إجت الصيفية و قربت نزلتي على بلدي...الي زمان ما اتبهدلت عالمطار... اشتقت كتير للتدفيش و الصريخ... انطروني 

"موطني موطني ........هل أراك سالماً منعماً؟؟؟

رسالة الى قوم لوط

كنت مقررة اخد "break" بشهر رمضان و ما افتح تمي بخصوص اي موضوع و اتفرغ للعبادة و التقوى بس اجا"Gayrack Obama" و خرب الدني...اوباما حبيبي قديش فرحان و فخور بقرارك الجديد؟؟ ناقصو شعبك ضياع؟؟ الاميركاني اذا بدو يفطر الصبح بيتصل بال"shrink" تيعرف اذا بيكول "Cheerios" الملون ولا السادة و اذا فتح علبة السادة و طلع فيها وحدة ملونة، دغري بوكل محامي و بيرفع دعوى على شركة ال"Cheerios" و بيربحها...  شو رأيك تسمحلهن يتزوجوا كلابهم و حيواناتهم الأليفة و يتبنوا شجرة ويشترولها ألعاب و ياخدوها عالملاهي؟؟؟؟؟؟

بعرف إنّو اصدقائي ال"gays" رح ينزعجوا مني.. و بعرف انو أصدقائي يلي مفكرين انو ما حدا منتبه أنهن "gays" كمان رح ينصدموا بكلامي... بس بصراحة، خلصنا فجور بقى... بكفي. عزيزي و عزيزتي ال"gay" خليني خبركن شي... يا حبيبي والله منعرف ان شذوذك الجنسي ناتج عن عدة عوامل.. يعني عندك خلل هرموني، قلبنا معك... تعرضت للتحرش انت و زغير، الله لا يوفق المختل يلي عمل فيك هيك... أمك تركتك تلعب مع أخواتك البنات و صاحباتهن تتخلص منك، الله لا يسامحها شو جاهلة..... بس يا ريت تشرحلي ليش بدك  تتزوج صديقك؟؟ اوعى تقلي لتعمل عيلة و تبني بيت... ما تجنني الله يرضى عليك...يا عيوني نحن متقبلينك بالمجتمع و منعرف  كتير منيح ان شذوذك الجنسي ما آلو علاقة بذكاك، يعني منعرف انك دكتور و مهندس و محامي فنان و أكاديمي (بالأخص أكاديمي ما بعرف ليش) و مصمم أزياء و كوافور الخ، فما ضروري تنطلنا بكل فيلم او مسلسل او "talk show" تتخبرنا انك طبيعي و واحد من هالهجتمع... خلاص يا قلبي ريح حالك و عيش حياتك عادي، ما تقرفنا....عامل همروجة و طوشي لتتزوج و منزلي ألوان قوس قزح و فرحان بحالك.. ليش؟؟ شو في؟؟ ... يا حياتي  طبيعة الكوكب يلي عايش عليه حالياً ، ذكر و أنثى ... يعني الشجرة لتحمل فواكة بدنا ندكرها، البقرة لتجبلك بقر زغير لتأكل لحمة بدها ثور، المعزاية بدها تيس و هلم جرة.... انت شو بدك بالظبط؟؟؟ ما فيك تعيش على هيدا الكوكب و تخالف الطبيعة يا عيني...هلق " Gaytopia" قيد الإنشاء و بس تتأسس هالبلد الا ما يفتحوا سفارة مطرح ما انت و بصير فيك تقدم عالجنسية و اذا كنت حليوة و حظك حلو يمكن ينغرم فيك القنصل و يسرعلك المعاملة.... يلا يا حبيبي، كبرلي عقلاتك و ما تسوق فيها كتير و تختبر صبرنا و بعدين تقول " ياااي شو هالعالم ال "sauvage"... لا زواج و لا تبني ولاد... تخنتها كتير...هلق صاحبك "الpedophiles" بصير بدو حقوقه و نفتحلوا محل ببيع ولاد زغار و يروح يشتري كم ولد تيتحركش فيهن.... بترضاها انت؟؟ مش حلوة...

اما بالنسبة لل"gay" العربي، بتمنى عليك يا عزيزي انك ما ترد عالمامي و البابي يلي عايشيين ب "denial" و تروح تتزوج بنت عيلة لتثبت للمجتمع انك طبيعي و اول ما تجيب ولد بتبلش تعيش حياة تانية و تجبلها السكري لمرتك يلي أصلا قررت تلعب دور النعامة... حبيبي كلنا عارفين انك "gay" ، حتى ولادك عارفين و شفقانين على امهم... فكون رجال او مرة (متل ما بتحب) و اعتذرلي من الماما و خليك بمصيبتك لوحدك.... 

بعرف انو هلق في كتير ناس عم بقولوا عني متخلفة و جاهلة و مش "liberal" و غير حضارية و ما بتقبل الاخر و الحرية الشخصية و "freedom for all" الخ...بشرفي معكن حق مية بالمئة. اذا بدكن تعطوني لقب الجاهلة المتخلفة لأَني ما قادرة روح احضر عرس "جاد و طارق" او "نوال و سعاد" فأنا رح كون فخورة جدا بهاللقب...معليش اسمحولي، بس ما قادرة شوف ابن جارتي يلي عمره ٣ سنين عم يلعب "عريس و عريس" مع رفيقه... تقيلة شوي.... صحيح " الي اختشوا ماتو" على قول اخواننا المصريين... C'est trop يعني...

لبنانيات و لأكن .....

اليوم سألتني بنتي:" ماما، ليش النسوان اللبنانيات كتير مجاديب؟ ما كانوا يروحو عالمدرسة هني و زغار؟". انا صرلي زمان تاركي لبنان فلذلك ما في احكي على النسوان بلبنان و مستوى ذكاءهم، بس خليني خبركن عن معظم النساء اللبنانيات و العرب في دبي. معظم هالنساء و بالأخص اللبنانيات مخرجين من اهم جامعات بلبنان و العالم و في منهن معهن "ماجستير" كمان و...... مساطيل بامتياز. يعني لما وحدة بتحط صورة كيس "شانيل" عالانستغرام و يتقول" حزروا شو اشتريت اليوم قبل ما سافر على باريس؟" جوابي لالها بكون: "اكيد يلي بالكيس يا حياتي اذكى منك، و بفتكر انه صباط اذا مش غلطاني". لما وحدة بتحط صورتها لابسة كل ماركات العالم فوق بعضها من قبل الضوء و كاتبة" signee from head to toe"، طيب هيدي شو بتحكيها؟ اللبنانية بدبي بتفيق الصبح، بتفتح خزانتها و بتبلش تلطم و تبحت بالأرض لانها بعد ما جابت الجزدان "الشانيل" الفستقي البنفسجي قبل صاحبتها، بتقوم بتركض عالبوتيك و بيطلع خالص هالموديل، طبعا بيجي اتصال لزوجها ان المدام انجلطت و  فاتت كوما بالمستشفى. هلق الزوج بهالحظة ما بيعرف اذا بيزعل ولا بيفرح و اول شي بيخطر على باله ان يبلش يعرض كل جزادين و سكربينات المدام للبيع قبل ما تفيق من الكوما.... ولك يا جاهلة إنتي و ياها، شي مرة فكرتي اديش أمك و ابوك بكيو انت و عم تتخرجي من الجامعة؟؟ يعني معقول بيصرفوا عليكي فوق ال مية الف دولار لتتعلمي و بالاخر يتكتبيلهن "my baby, my Hermes is finally here"؟؟؟ والله كنّا عتلانين همه  للمهدي المنتظر بصراحة.... ولَك ما بستحي تكون قيمتك من  قيمة الشنط و الاحذية و الفساتين الsignee؟؟ يعني من كل عقلك مفكرة انك من سيدات المجتمع الراقي؟؟؟ ولي انت ايمتى اخر مرة قراءتي شي كتاب او قصة؟؟و كمان شو بالنسبة لل٦٠ صبحية بالشهر؟؟ شو الهدف يعني؟ هل هو هدف انساني او لم تبرعات او عمل خيري؟؟او صرف مصاري زوجك يلي حضرتك مش تعباني فيهم ؟؟؟ و ما حدا يقلي القاضي راضي... لاء القاضي يا عم بفوت يبكي تحت الدوش او عايش حياة تانية و تاركك تلتهي بهبلك انت و أصحابك..... ولا الهدف الأساسي هو التصوير؟؟ كمان عفواً بس لمين عم تتصوروا؟؟ هلق لو في شلالات نياغرا وراكم ولا Big Ben و عم تبعتوا الصور لأهلكم بالهمجر، منقول.. بس يا دوب في حيط او عامود وراكم و قبل ما تتضهروا بتكونو بيعتين هالصور التحفة لبعضكم... يعني معقول؟؟؟ في اجدب من هيك؟؟ ما هلق شفتوا بعض live...  في شي صبحية من صبحياتك حكيتي عن شي غير الخادمة او الshopping او صاحبتك المبهدلة يلي بتلبس من H&M؟؟؟  عزيزتي المرأة المتخلفة، بحب قلك انك ما بتتميزي عن صديقاتك المتخلفين الا بلون السكربينة. بنصحك تبلشي تقراءي للتتثقفي و يكبر عقلك، أنشالله لو ليلى و الذءب او الاقزام السبعة، الا ما تستفيدي، شوي شوي بتوصلي و بصير فيكي تقراءي الجريدة و تعرفي العالم وين صار و انت وين بعدك يا شاطرة...فيكي تكوني signee و مثقفة بنفس الوقت.. صدقيني، بس هيدا النوع من الهبل بهالأيام مش مسموح أبدا... ما بدك تشتغلي فهمنا، ما في اشغال بالسوق ، معك حق ....بس مش مسموح يكون معك شهادة جامعية و ناقعتيها بمي و ملح من لما تخرجتي لحد ما عفنت و صارت متل عقلاتك..... قومي بقى عملي شي ينفعك و ينفع عيلتك، بهدلتينا...

الحرب المنتظرة

من فترة قصيرة حضرت محاضرة للدكتور البريطاني Christopher Coker و كان محور المحاضرة " حرب  التكنلوجيا"  يلي رح تصير بين أميركا و الصين قريباً و إنّو الصين عندها القدرة تعمل " hacking" على إصبع اجره الزغير لاوباما و تحركه كيف ما بدها من بيجينغ ...و اذا هسترت، بتقطع الانترنت عن أميركا كم يوم و يا روح ما بعدك روح.... تخيلو لو هالشي صار؟؟؟؟ بصراحة ضهرت من المحاضرة عم برجف ... هلاء شو بدنا بالبورصة العالمية يلي رح توقف و الاقتصاد يلي رح ينهار و المصارف و الشركات و ملفات الدول و المطارات و الأموال و الامم و الخليقة، هيدا كله مش مهم... الكارثة الكبيرة هي "الانستغرام". يا جماعة اذا بيوقف الانترنت في شي فوق ال١٠٠ مليار صورة رح يروحوا هدر.... شي ٤٠٠ ترليون سلفي للكب.... يا رب العالمين لا تجربنا، ما تفجعنا بقطع "الانستغرام" و "السناب تشات"و "التمبلر"و "الفيسبوك"... يا رب اذا انقطع " الفيسبوك" كيف هالعالم بدها تعمل " checked in"  و نعرف باي مطعم عم بتزمرقوا؟ طيب انا ما بيغمضلي جفن اذا ما عرفت صديقي ال " entrepreneur" العظيم باي "lounge" بالمطار و لوين مقبور مسافر؟؟ كيف بدنا ندعي لأصحابنا الموءمنين يلي بيتصوروا " سلفي والكعبة خلفي" قسما بالله وجوههم بتشع هبل ، عفوا قصدي إيمان ... يا رب انت العالم بحال النسوان لما بدهن يتصوروا.... معاناة الإضاءة و البوز و الشفاف و الايد عالخصر و الفلتر و بالاخر الديليت اذا ما زبطت.... يا لطيف ألطف ... برفض حتى اتخيل هول المصيبة....بنادي و بناجي كل ناشطات و ناشطين ( مع إنّو ما في فرق) السلفي و يلي بسافروا تيتصوروا بتوخي الحذر... نزلوا كل صوركن قبل ما الصين تفقد أعصابها ...والله ما بيبقى منكن مخبر و كل تعبكن بروح ضيعان.... يعني عملوا حسابكم تنزلوا معدل شي ٣٠٠ صورة باليوم ونحن من كل بد رح  نعمل "لايك" على كل صورة اذا الله وفقنا.....و يلي بتحب تنزل صورها من لما خلقت بالأبيض و الأسود تركض هلق تعمل "سكان"من البوم ستها، ما في وقت...الحرب عالابواب.

ET اشتقنالك

مبارح بالسهرة بيوصلني رسالة من صديقة عزيزة جدا على قلبي صرلي زمان كتير ما شايفتها بحكم الغربة و المسافة . كتير فرحت لما شفت اسم صديقتي و لكن انصدمت بمضمون الرسالة و هو كالتالي: " احضري قناة الجديد، هلق"... بدون مقدمات و لا تحيات. طبعا قبل ما غير المحطة كان زوجي ضب الشنطة و بلش يحجز على لبنان لان اكيد هيك رسالة بتدل إنّو في فاجعة صايرة . ما بعرف كيف الله سبحانه و تعالى عطاني القوة و غيرت المحطة على "الجديد" تشوف ......احدى علامات الساعة... الكبرى مش الصغرى. اجسام غريبة أشبه بالمخلوقات الفضائية تتكلم بلغة غير مفهومة و لكن من الواضح ان هدفها تدمير كوكب الارض. اول مخلوق متجسد بمكنسة فيليدا يدعى ميلاد ابو ملهب و المخلوق التاني عبارة عن دولاب شاحنة مع حواجب برعاية " Nike"،  اما جنس المخلوقين غير محدد . البرنامج اسمه" بلا تشفير" يقدمه كمان مخلوق غريب و لكن لطيف جدا و شغلتو بس يغشى ضحك. بصراحة حاولت كتير افهم مضمون الحلقة و استعنت بمحللين سياسيين و خبراء تجميل و أطباء و مهندسين و لكن الكل أبدى عجزه عن فهم الموضوع.  تحية كتير كبيرة للمحطات اللبنانية يلي بتحرص توصل صوت المختلين و تسلط الضوء على المجانين بهدف التثقيف و التوعية. فعلا الشعب اللبناني يفتقد لهيك نوع من الأجسام الغريبة ليقدر يتواصل مع العالم الخارجي.... كل الاحترام لقناة الجديد يلي عم تضطر تروح على كواكب اخرى و تحاور اجسام و مخلوقات أمثال ابو ملهب و حمادة و مريم نور و عاءلة الراسي و غيرهن من اصحاب الطاقة الهستيرية... نعم للانفتاح على الكواكب الاخرى، نعم للتواصل مع المجرات ، نعم لوجود البعد السادس، نعم "للافاتار".... "ET" اشتقنالك.... 

رابط الحلقة:  http://youtu.be/n15pndw8jCo

مقابلة مع عمالقة الهبل

استوقفني من يومين برنامج حديث البلد و بالأخص الحلقة يلي مستضفين فيها الفنان العظيم " جورج الراسي" الذي يتمتع بصوت المعزاية العذب و زوجته عارضة السطلنة، الجميلة"جويل حاتم" و طفلهم البريء يلي أنشالله ما يكون اخد جينات أهله .... والشي المؤثر جدا إنّو كل العيلة اسمها "جو" ... بابا جو قال إنّو ماما جو"بيبي" و قلبها كتير طيب و كتبت على فيسبوك أنهن رح يطلقوا لانها مسطولة... و ماما جو اعترفت بهبلها و غادرت الاستوديو لأنو بيبي جو كان عم يبكي "بالفرنساوي " و الموظفين بالكواليس ما عم يفهموا عليه ، بس العظيمة منى ابو حمزة استدركت هول المصيبة و طلبتله " أوفول" ديلفري ...طبعا ما فينا الا ما نعذر جويل لانها عاملة " بيبي بلوز" و منهارة أعصابها ، و على فكرة جورج الراسي اعترف انه هو كمان كان عامل " بيبي بلوز" لأنو كان حامل و هورمونيتو كلا ملخبطة...و الرجال كلها بتعمل " بيبي بلوز" و المحللة النفسية منى ابو حمزة أكدت على كلامه. الوضع كان كتير صعب بصراحة و ما بتمناه لعدوي... الحلقة ما كانت لاصحاب القلوب الضعيفة ، كان فيها كتير من المواقف المؤثرة و انا شخصيا دموعي ما فارقت عيوني و ما قدرت كمل الحلقة.... و شفقت كتير على الممثل السوري الموهوب "قيس الشيخ نجيب" يلي كان متمني الارض تنشق و تبلعه على وجوده مع عمالقة الهبل و السخافة....

شبح الخزان

السيدة بيرناديت عجيل هي قاضية في ديوان المحاسبة، يعني حساب، يعني ارقام، يعني....جدول الضرب. لقد تميزت القاضية عجيل منذ طفولتها بحفظها لجدول الضرب عن عمر ثلاث سنوات. فقد كانت أجوبتها سريعة و صحيحة و مبدعة. على سبيل المثال:

المعلمة: ٤*٥

بيرناديت: ١٠رضوض طفيفة و ١٠ في حالة خطرة

المعلمة: ٥*٢

بيرناديت: ٤ في المستشفى و ٦ استوفاهم الله.

و بذكائها الحاد استطاعت بيرناديت ان تصل لديوان المحاسبة و تعين قاضية و تستعين بجدول الضرب لمحاسبة المواطنين الهمجيين أمثال الإرهابية جاكلين مظلوم.

ولكن ما لا يعرفه المواطن اللبناني و ما لم يبثة الاعلام هو القصة الحقيقية وراء الخزان الملعون الذي اعتدى على تمثال السيدة العذراء.

يعود تاريخ هذا الخزان ليوم ولادة سيدنا عيسى عليه السلام عندما عين هذا الخزان من قبل بني اسرائيل لملاحقة  اي تمثال للسيدة العذراء في اخر بقاع الارض. فلم يكتفي بنو اسرائيل بصلب سيدنا عيسى بل ارادو تشويه صورة ستنا مريم " السلام لاسمها" و منع العالم باكمله الصلاة لها. لقد دخل الخزان الاسرائيلي اليهودي خلسة الى الاراضي البنانية من الحدود الجنوبية متخفيا بزي قارورة غاز. استطاع ان يصل الخزان الى الهدف المكلف به من قبل بني اسرائيل بمساعدة العميلة جاكلين مظلوم. و لكن ، و الحمدلله، كان ملاك السيدة العذراء المجسد بالسيدة الفاضلة بيرناديت عجيل يحوم حول التمثال و انقض على مهربة الخزان بهدف تخليص البشرية من الأرواح  الشريرة و المفسدة في الارض. و لكن و للأسف في خضم هذه المعركة الحاسمة بين الخير و الشر استطاع الخزان الصهيوني ان يفر الى جهة مجهولة متابعا مسيرته للبحث عن تماثيل مريم العذراء في مداخل الأبنية و الأزقة اللبنانية .

لن نقبل بعد الان باي خزان صهيوني او صهريج داعشي بالتواجد بالقرب من كنيسة او مسجد . جنود المحبة و ملاءكة الارض أمثال بيرناديت و زوجها منتظرين بالمرصاد. القضاء اللبناني سوف يحاسب كل خزان مشتبه به .الضرب و شد الشعر و اللبيط عقاب كل من يضع اي خزان في مداخل الأبنية المقدسة. احذرو أيها المواطنين ظهور الخزان الدجال .

ولك يا ارض انشقي و بلعيني. وين بدّي خبي باسبوري. اي جنسية بدّي اخد. حتى لجوء سياسي عالسودان صار مستحيل ... وين بروح؟؟؟؟

ضربني و بكى سبقني و اشتكى

أعلن مكتب النائب نقولا فتوش عن افتتاح نادي محاماة مختص بالاعتداء على المواطنين والمواطنات بالضرب او الخنق ، و قد سارع الوزراء و النواب للانتساب الى هذا النادي بدون تردد حَيْث آن العديد منهم تنقصهم اللياقة البدنية للدفاع عن انفسهم امام مواطنين همجيين مثل السيدة منال ضو. الله يديمك يا سعادة النائب فشيت خلق هالوزراء و النواب يلي ألن سنين عايشين برعب و خوف من همجية و قلة أدب المواطنين. يعني صار هالنائب او الوزير يستحي يطلب شي من اي مواطن... يا عمي ما بقى هالسياسيين قادرين يسكروا الشارع تيمرقوا ولا يفوتوا بعكس السير ... يعني بعد ناقص يوقفوا بالدور متل المواطنين البهائم ... بصراحة المواطن اللبناني صاير حضاري ، متمدن، بيحترم الدور... شي بقرف.... لا عم براعي  وضع وزير ولا نائب و بيتمقطع فيهم شمال و يمين... ما بقى في إنسانية ولو ؟؟ وضع هالسياسيين مزري لدرجة عم يلجأوا للضرب..... 

اي يلعن ابو هالوزراء والنواب يلي مبهدلين الشعب اللبناني وين ما راح.... سعد الحريري طرق مشوار من فرنسا

ليتجولق و وزير النسوان ،عفوا الخارجية، جبران باسيل راح

على نيويورك ليزبطلو وحدة حلوة للخليجي، عاساس قاعد بشي قهوة بعاليه و عم يعمل صفقه مع السواح الخليجيين ، و ختامها مسك مع بطل التكواندو ، النائب نقولا فتوش، امام خصمه الشرس، السيدة منال ضو المحترمة...و مثل ما قال السيد نقولا" لو منها غلطانة ما اعتذرت" ...و على فكرة كل المحامين اللبنانيين شرسين.... أمل علم الدين كيف وصلت و صارت مهمة؟؟؟ ما خلت حداً من شرها.... نزلت ضرب بالكل و أولهم ابو جريج... بس النتيجة كانت إيجابية.. الكارثة اذا نقولا انغرم بمنال.... الله يستر...

 .. يا ترى الباسبور الصومالي شو بدو معاملات؟ كم سنة لازم نعيش بالصومال تناخدو؟؟؟؟

It's All About PP

   A lot has been said about Ben Affleck's response to Bill Maher's silly and irrational argument about Islam, but, in fact , it was Sam Harris's interpretation of Islam that made me laugh my head off. Harris stupidly says:" imagine concentric circles, at the center you have jihadist...outside of them we have Islamist... Who want to enforce Islam without blowing themselves up on a bus.... These make 20% of the Muslims around the world .....outside these 2 circles, we have conservative Muslims .... They hold views about human rights, about women, about homosexuals that are deeply troubling.... They keep women & homosexuals immiserated  in these cultures....." Really?? How on earth did Harris come up with this conclusion??? How could he possibly frame Islam within three stupid concentric circles ??? Excuse me ,Mr. Harris , but If you think you impressed us with your numbers and percentages about jihadists and British Muslims who want to kill the Danish cartoonist , well , allow me to tell you this is all bullshit..... Just like your vision of Islam.....bullshit and based on personal speculations.... Yes, ISIS exists, jihadists exist, Islamists exist, but these are fanatic individuals that represent only themselves and the countries that recruit and train them.

   As for Harris's ignorant opinion of how women are treated in Islam , no one said it better than Reza Aslan: "The cultural practices of a Saudi Muslim, when it comes to the role of women in society, are largely irrelevant to a Muslim in a more secular society like Turkey or Indonesia" or many other different countries.

    Finally, Harris accuses Islam of holding troubling views about homosexuality. Seriously???? Listen, Harris, if you are gay and you've been turned down by a Muslim hunk , don't generalize by stating that Muslims are intolerant......  You just need to accept the fact that nobody likes you, neither women nor men, especially Ben Affleck..you don't have to be a cry baby about it and mention it in your blog: "Although I was aware that I wasn’t getting much love from Affleck..."

 So, does this mean that Christianity and Judaism encourage homosexuality and thus, don't hold troubling views?Homosexuality is a sin in all religions. It is individuals who choose to accept gays. Religions don't. Be it a hormonal, a genetic ,a psychological , or a social disorder, it's a No Go for any religion.

   The billion people whom Affleck says "are not fanatical, who want go to school, eat their sandwiches and pray 5 times a day" are actually sick & tired of people like Maher and Harris who are totally ignorant yet use the media, the perfect platform, to convey irrational personal views and ,sadly enough,convince the uneducated and unknowledgeable audience of such sick views. The whole world now knows that all this violence, hatred and terrorism have nothing to do with Islam, Christianity, Judaism, or any other religion. It's all about POLITICS and POWER. It's the PP era.

Someone I Used To Know

Today I was reunited with an old friend , a friend I met thirteen years back when my heart was diagnosed with a genetic disease. I was very scared of the unknown at that time, but my friend held my hand back then and swore not to leave me in times of trouble. However, despite his care,  I didn't really like the guy at that time. He wasn't very pleasant. He gave me headaches &  I felt awkward in his presence. Something was just not right, so I decided not to spend much time with him and just keep him in the "acquaintances" category. Strangely enough, I felt much better and more cheerful in his absence . We didn't meet until four years later when ,this time, my soul was diagnosed with a severe neurological disease . In one way or another this old acquaintance found his way to me again & insisted on staying by my side to give me all the support I needed to adapt to my new fear, the fear that had already carved a hole in my heart. Little by little , my friend's idea of comforting me turned into an annoying tingling in my head. This guy turned out to be a control freak who wanted to control my comfort, my happiness, my cheerfulness , my smile... He talked to me at least twice a day & told me things I didn't want to hear. In fact, he made me feel bad about myself & transmitted nothing but negative energy around me. He made me do things I didn't want to do. I honestly freaked out & decided to ignore him totally . Today & after all those years, my old annoying friend came back. He popped out while I was in the middle of some past life reflection. I was thinking of the struggle my beloved ones go through everyday . How is it possible for my heart to be injected with painful medication everyday? How can my soul, that was once healthy & energetic, be physically challenged from the rise of dawn till the break of dusk everyday? Amidst all this chaos inside my mind , my old friend contacted me & insisted that we meet somewhere to talk. I felt terrified. I didn't  want to fall for his sweet talk anymore. He needed to understand that no one can ever take me away from the people I cherish most. I decided to end our relationship this time once and for all. It wasn't easy to get rid of someone who's so controlling & manipulative , but I couldn't have done it without my best friend, Faith, who has been there for me ever since ill health has taken over my life.

Sorry , I forgot to mention my old friend's name . His name is " Worry ".

Canadian Citizenship Should Be For Sale

For the past  two years, the Canadian  immigration authorities have been bragging about detecting the fraud citizenships that were granted to Lebanese , Syrians, Jordanians and probably many other nationalities, proudly stating that "the Canadian citizenship is not for sale". I would like to congratulate the Canadian inspector Gadget & Sherlock Holmes for the brilliant detective work they have been doing in collaboration with Facebook, Instagram, Twitter & Linkedin. Way to go guys, but have you ever wondered why those immigrants lie about their residency in Canada?? Well, It's because only Queen Elsa of Arendelle can live there as she doesn't need a decent job to survive... She's the damn  Snow Queen.  Let's face it, Canada provides nothing  but shitty jobs for immigrants. CEOs , CFOs , doctors who unfortunately carry shitty nationalities but have excellent jobs outside their countries are separated from their wives & children because those men would either work as taxi drivers or in gas stations in Canada. Men can't find jobs because employers require CANADIAN experience. How the heck would they have Canadian experience if they have just landed in Canada? Or maybe some countries in the Middle East & the Gulf offer Canadian experience that we are not aware of?? Are you out of your mind people?? Do you really expect a GM or a CEO or a doctor to leave his highly paying job  to be Frosty the driver?? Family members are at constant high risk of loosing the bonds that tie them together with the father becoming a total stranger after leaving his wife & kids for at least 3 to five years since he couldn't find a decent good paying job. Have you ever wondered why most of these immigrants leave canada immediately after they are granted the citizenship and become non residents ?? Have you ever asked yourselves why the Canadian immigration process has been ongoing since the beginning of history?? Because unlike the USA , Canada is not & will never be the land of opportunities. It's in fact the world's largest Old Age Care Home center. It's highly recommended for those who wish to die in peace. What part of NO ONE WANTS TO LIVE THERE you don't understand, people??? Even the young Canadians themselves can't wait to pack their bags & leave Canada for the first opportunity they can get in the Gulf. So please , spare us "the Canadian citizenship is not for sale " crap. It is for sale & some have the money to buy it, so you either take the cash or provide the highly educated immigrants with decent jobs. It's not really those immigrants' fault that they were born in corrupt countries ....and you don't have to rub it in. They burned their asses off to receive higher education & reach senior posts in multinationals & they won't allow any country in the world to humiliate them in return for its citizenship. Oh & by the way , congratulations for Ottawa on its new title of " The Most Boring City In The World" . Residents of Ottawa can't be more proud.

مطار بيروت الدولي... طريق الجلجلة

حدث في تاريخ ١٥/٨/٢٠١٤ في مطار رفيق الحريري الدولي في تمام الساعة العاشرة و خمس دقائق صباحا ان السيد "بيار الأشقر" ، رئيس نقابة السياحة و الفنادق، قطع من قدام شي٢٥٠ مواطن بهيم واقف بالصف و اقتحم دور عاءلة "بكار" و رمى شنطته قدام أغراضهم  تيخلص اول واحد . شكرًا يا حضرة النقيب لأنك مسحت الارض بكرامة ٢٥٠ شخص واقفين و محترمين حالن و طبعا بمساعدة قوى الأمن الداخلي يلي شغلتن يهينوا المواطن بشتى الطرق ... الظاهر ان حتى انت يا حضرة النقيب مش مقتنع بالسياحة بلبنان و عم تستغل منصبك لتظهر على الاعلام و تتهبلن متل كل هالسياسيين و اصحاب المناصب الكبيرة. بهمنا كتير تعرف يا سيد بيار انو لو ما أهلنا و احبابنا بعدن عايشين بهالبلد، مطار بيروت الدولي بضل فاضي و بكون معك كل الوقت تحط كل عفش بيتك على مكنة التفتيش  من دون جميلة حداً. و ألك عين تطلع عالتلفيزيون و تشجع السياحة؟؟ صحيح يلي استحوا ماتو. وطبعا "اذا كان رب البيت بالطبل ضاربا فشيمة أهل البيت كلهم الرقص"

هيدي الحادثة البسيطة بتعكس تماماً حال الفوضى العارمة بمطار بيروت الدولي يلي المفروض يكون واجهة البلد. اما الصورة الحقيقية هي كما يلي

المغادرون:

اول ما تفوت من باب المطار

بتشوف مجموعة كبيرة من العالم واقفين بشكل دائري الكتف عالكتف والوجوه تنظر بجميع الاتجاهات ( الا دغري) بتفكر للحظة انه لوحة راقصة من مسرحية كركلا و بتكتشف لحظتها ان هيدا هو الطابور او الصف. بتحاول تلاقي موقعك بهالدبكة اللبنانية و بتتحول من فصيلة الانسان لفصيلة الزواحف لتوصل لأول شخص ( عدد واحد) تيشوف جواز سفر ٢٥٠ شخص و ما بتعرف شو عم بشوف بالظبط. بتوصل على مكنة تفتيش الشنط  و طبعا ما في حمال تيساعدك بال١٠ شنط يلي معك فبتنقبر بتنتعن مرتين لوحدك شو ما كان عمرك او جنسك. من بعد ما يسير معك تمزق عضل بتروح انت وحامل كتفك لتأخذ التكت وعلى طريقك بتنتبه انو في شخص من الجمارك  بيبعث الدهشة و الحيرة لانه لا بكش ولا بنش، بس بوترك... . من بعد ما تأخذ رقم مقعدك على الطيارة و تلبط ال ١٠ شنط تتخلص منهن و تسب كل مين ساهم بضب هالشنط ، بتتجه  نحو الأمن العام لختم جواز السفر و مرة اخرى في شخص ( عدد واحد) واقف تيشوف جواز سفر ال ٢٥٠ بهيم يلي مشيو طريق الجلجلة . وأكيد ما بتعرف شو عم بشوف بالظبط . بتوصل عالامن العام ، المكان الوحيد يلي بتضطر تلتزم في بالطابور لانه ضيق و ما بساع الا شخص واحد بالطول. ولكن ما بيخلى الامر من مدام أمورة  تقتحم الطابور لانها ماءخرة على طيارتها لانه أخد معها الماكياج و الشعر ٧ ساعات فاتخرت.. مش بايدا بصراحة، الظروف كانت أقوى منها. بينختم جواز سفرك من الأمن العام و بتتجه نحو بوابة الطيارة و على طريقك بتشفق على المجاعة الحاصلة عند الرفاعي و الحلاب و غوديز. بصراحة ما في غير البزورات و الحلو بخلو الشعب البناني يضاين ببلاد الاغتراب الصعبة و المهينة متل دبي و كندا و استراليا. بتوصل على بوابة الطيارة و بتلتقي بفرقة كركلا مرة تانية فبتشبك ايديك باديهن و بتبلش دبكي على صوت رجل اعمال مهم كتير عم يعقد اكبر صفقة بتاريخ البشرية بأعلى صوته على التلفون... و اخيراً و ليس آخراً في شخص من الأمن العام واقف على باب الطيارة تيشوف جواز سفرك مرة رابعة لانو ال٣ بهائم يلي قبلو كانو بس عم بتفحصوا نوعية الورق لجواز السفر اللبناني و هيدا الشخص فقط رح يقرر اذا فيك يا مواطن يا حيوان تنقبر تطلع على هالطيارة ال..... منتمنالكن رحلة سعيدة و أمانة تنقبروا تعيدوها كل سنة....

Sawzag